अँटी कोरोना च्या नावाखाली खोटा दावा व अफवा पसरवून दिशाभूल करणाऱ्या व्यक्तीवर गुन्हा दाखल :-पोलिस मदत पत्र बातमी

अँटी कोरोना च्या नावाखाली  खोटा दावा व अफवा पसरवून दिशाभूल  करणाऱ्या व्यक्तीवर गुन्हा दाखल

ठाणे : --  कोरोना विषाणूचा वाढता कहर आणि जगात उडालेला हाहाकार पाहता  जगभरातील ज्या ज्या देशात कोरोनाचा प्रभाव जाणवला आहे त्या देशातले नागरिक भितीखाली जगत असतांनाच काही पैसे कमावण्यासाठी संधीसाधू व्यक्ती खोटी माहिती पसरवून भीती देऊन लोकांची दिशाभूल करून पैसे कमावण्यासाठी काहीही खटाटोप करतात अशीच दिशाभूल करणारी जाहिरात वृत्तपत्रात दिली .या जाहिरातिच्या  माध्यमातून लोकांच्या भावनेशी खेळून  जास्त पैसे कमावण्याचे स्वप्न बघणाऱ्या एका व्यक्ती विरुध्द गुन्हा दाखल केला आहे. 

जगभरात थैमान घालणाऱ्या करोना विषाणूसंदर्भात अफवा पसरवल्याप्रकरणी तसेच जनतेची दिशाभूल केल्याप्रकरणी ठाणे जिल्ह्यामध्ये भिवंडी येथील नारपोली पोलीस ठाणे येथे   गुन्हा दाखल करण्यात आला असून
 गंभीर आजाराबाबत अफवा पसरवल्याप्रकरणी दाखल करण्यात आलेला हा जिल्ह्यातील पहिलाच गुन्हा आहे. 

पोलीस उपायुक्त पोलीस राजकुमार शिंदे आणि त्यांच्या पथकाने बाळसाहेब सर्जेराव डावखर, वैद्यकीय अधिकारी, खारबाव प्राथमिक आरोग्य केंद्र, भिवंडी यांच्या तक्रारीवरुन सदर  कारवाई केली आहे.
 
अरिहंत मॅट्रेसेस चे मालकांनी दि. 13 मार्च रोजी एका गुजराथी दैनिक वृत्तपत्रात ‘‘ arihant mattress ANTI-CORONA VIRUS Mattress पे सोएगा इंडिया तो बढेगा इंडिया CORONA RESISTANCE MATTRESS (6ft x 6ft x 5in) Rs 15000/- Visit our Sleep Gallery @ Wooden' Za Furniture Kasheli ( Furniture Market) Bhiwandi  या मथळयाखाली  जाहिरात दिली होती.
 
 या  मॅटरेसमुळे कोरोना विषाणूला प्रतिबंध होईल असे जनतेच्या मनामध्ये समजूत करून जनतेची दिशाभूल करणारी जाहीरात प्रसिध्द केली. तसेच सदर  मॅट्रेस वुडनझा फर्निचर, कशेळी, भिवंडी व बिल्डींग क्र. सी-15, गाळा क्र 101, 102, पारसनाथ कॉम्पलेक्स, वळपाडा, दापोडा रोड, पोस्ट अंजुर, ता भिवंडी, जि. ठाणे येथे विक्री करीता उपलब्ध आहेत, तसेच त्याव्दारे त्यांनी कोरोना विषाणूला प्रतिबंध होर्इल असा खोटा दावा करुन जनतेमध्ये त्याबाबत अफवा पसरविली.
 
 जाहिरात देणाऱ्या  अरिहंत मॅट्रेसेस च्या मालका विरोधात नारपोली पोलीस ठाण्यात गुन्हा  नोंद केला गेला आहे.   गु.र.क्र . 166 भादवि कलम 505(2) सह आपत्ती व्यवस्थापन कायद कलम 52 सह औषधीद्रव्य व तिलस्मी उपचार (आक्षेपार्ह जाहीराती) अधिनियम 1954 कलम 3,4,5 अन्वये गुन्हा दाखल करण्यात आला असून त्याचा पुढील तपास पोलिस करत आहेत.