चोरीच्या मार्गाने मद्य विक्री करणारा अडकला पोलिसांच्या सापळ्यात
मीरा-भाईंदर प्रतिनिधी : जिल्हाधिकाऱ्यां चे आदेश धुडकावून, संचारबंदीचे उल्लंघन करत मीरा भाईंदर मध्ये चोरीच्या मार्गाने बियर,व विदेशी मद्य विक्री करणाऱ्या हॉटेल चालक पोलिसांच्या सापळ्यात अडकला असता पोलिसांनी मुद्देमालासह हॉटेल चालकाला बेड्या ठोकल्या आहेत.
एकीकडे वाढता कोरोना साथीचा प्रादुर्भाव जिल्हाधिकाऱ्यांनी संचारबंदीच्या काळात दारूविक्री वर घातलेली बंदी झुगारून हॉटेल मध्ये किंमती पेक्षा दुप्पट तिप्पट पैसे घेऊन चोरीच्या मार्गाने बियर व विदेशी मद्य (दारू) विक्री केली जात होती. संचारबंदीच्या काळात सर्व प्रकारचे हॉटेल, बियरबार आणि सार्वजनिक ठिकाणं देखील पूर्णपणे बंद करण्यात आले असतांनाही कोणत्याही प्रकारचे मद्य विक्री करण्यास देखील मनाई करण्यात आलेली असूनही मीरा-भाईंदर मधील एक बार चालक संचारबंदीचा फायदा घेत काही हॉटेल आणि बार मालकांनी छुप्या पद्धतीने दुप्पट ते तिप्पट भावात चोरून मद्य विक्री करण्यास सुरुवात केलेली माहिती अनेक विभागातून पोलीस विभा
ठाणे ग्रामीण पोलीस अधीक्षक डॉ. शिवाजीराव राठोड आणि अप्पर पोलीस अधीक्षक संजयकुमार पाटील यांच्या आदेशानुसार स्थानिक गुन्हे शाखेचे वरिष्ठ पोलीस निरीक्षक व्यंकट आंधळे, सहाय्यक पोलीस निरीक्षक प्रवीणकुमार साळुंखे, सहाय्यक पोलीस निरीक्षक विलास कुटे, पोलीस उप निरीक्षक चेतन पाटील, सहा. फौजदार चंद्रकांत पोशिरकर , अनिल वेळे , पो. हवा. अर्जुन जाधव. अशोक पाटील, संदीप शिंदे, किशोर वडिलें, अविनाश गर्जे, पो. ना. संजय शिंदे, प्रदीप टक्के, पुष्पेंद्र थापा, सचिन सावंत, पो. शि. सतीश जगताप, राजेश श्रीवास्तव, महेश वेल्हे, विकास राजपूत, जयवंत कांडेलकर या सर्व पोलिसानी संयुक्तपणे कारवाई केली असून आता स्थानिक गुन्हे शाखा पुढील तपास करीत आहे.
शहरात अशाच प्रकारे अनेक हॉटेलचे मालक चोरून दारू विक्री करीत आहेत. रात्रीच्या वेळी काही कर्मचाऱ्यांना हाताशी धरून दुकानातून मद्य (दारू) बाहेर काढले जाते त्याची काळ्या बाजारात चढ्या भावाने विक्री केली जाते असे अनेक नागरिकांत चर्चा सुरू आहे. त्याचबरोबर शहरात अनेक ठिकाणी बंदी असलेला गुटखा आणि पान मसाला देखील मोठ्या प्रमाणात चढ्या दराने विक्री होत असल्याची माहिती समोर येत आहे. पहाटे व सकाळी लवकर काही ठिकाणी बिनधास्त पणे गुटखा विकल्या जातो. तर संचारबंदी असून देखील सकाळच्या वेळी चहाची दुकानं उघडली जात असल्याचे बोलले जात आहे.
मिरा-भाईंदर शहरातील स्थानिक गुन्हे शाखेने केलेल्या या कारवाईमुळे काही प्रमाणात का होईना हॉटेल मालकांत भीती निर्माण होईल हे जरी खरे असले तरी नाकेबंदी असतांना का काळाबाजार चालतोय कसा हा खरा प्रश्न उपस्थित केला जात आहे. या बाळाबाजार करणाऱ्यांचे संबंध कोणत्या अधिकारी या कर्मचारी यांच्याशी काही लागेबांधे जोडले गेले आहेत का की हे काळाबाजारी करणारे माफिया एवढी हिम्मत करतात याचाही शोध घेणे महत्त्वाचे आहे असे येथील नागरिकांना वाटते आहे.
