मीरा भाईंदर मध्ये अजब प्रकार, खोटी कागदपत्राच्या आधारे चालवले जात होती अंबुलन्स
मिरारोड - कोण कुठे डोके लावील आणि काय करेल याचा नेमका नेम नसतो पैसे वाचवण्यासाठी एका अंबुलन्स मालकाने चक्क एकाच गाडी नंबरवर दोन अंबुलन्स चालवून शहरातील जनतेच्या जीवाशी खेळण्याचा प्रकार उघड झाला आहे. हा प्रकार मिरारोडच्या शीतल नगर व साईबाबा नगर येथुन समोर आला आहे. या प्रकाराची कुणकुण स्थानिक नगरसेवक यांना लागली त्यांनी याची शहानिशा करत सदर प्रकारच्या माहितीची तक्रार पोलिसांना दिली आणि गुन्हा नोंद करण्यात आला आहे. स्थानिक नगरसेवक यांच्या तक्रारीवरून वाहतूक विभागाच्या पोलिसांनी शोध घेऊन त्यांच्यावर मिरारोड पोलिस ठाण्यात गुन्हा दाखल करण्यात आला आहे.
मीरा भाईंदर महानगरपालिकेचा पहिलाच भोंगळ कारभार सुरू आहे त्यात भर पडली ती वाहतूक पोलीस विभागाची शहरात एकाच नंबरवर चालणारे अनेक वाहने असण्याची शक्यता नाकारता येत नाही. कोणतेही कागदपत्रे नसतांना असे व्यावसायिक वाहने बिनधास्तपणे सुरू असल्याचे पाहायला मिळत आहेत. शहरात अनेक कागदपत्रे नसलेल्या रिक्षा , चारचाकी वाहने पोलिसांना हाताशी धरून मोठ्याप्रमाणात व्यवसाय करत असल्याची चर्चा सुरू आहे. त्यामुळे प्रवाशांच्या सुरक्षेचा प्रश्न पुन्हा ऐरणीवर येण्याची चिन्हे दिसू लागली आहे. मिरारोड मध्ये चालणाऱ्या एकाच नंबरच्या दोन अंबुलन्स मुळे नागरिकांत उलटसुलट चर्चेला उधाण आले आहे. जागरूक नगरसेवक राजीव मेहरा यांनी तक्रार केल्यानंतर वाहतूक पोलिसानी कारवाई केली पण पोलिसांना रस्त्यावर फिरणारी ही वाहने दिसत नाहीत का ? असाही प्रश्न नागरीक विचारत आहेत. एकाच नंबर च्या दोन अंबुलन्स शहरात व्यवसाय करत आहेत आणि याची नोंद घेऊन गुन्हा दाखल करण्यात यावा अशी मागणी नगरसेवक यांनी करताच वाहतूक विभागाच्या वरिष्ठ पोलीस निरीक्षक रमेश भामे यांनी एक पथक बनविले त्यात एम.जी. पाटील व मनीष शिंदे व इतर पोलीस कॉन्स्टेबल कर्मचारी यांना शहरात पेट्रोलिंग करत असताना पहिली अंबुलन्स शितलनगर मिरारोड येथे आढळून आली तर दुसरा हा साईबाबा नगर येथे आढळून आली त्यानंतर त्यांची कागदपत्रे तपासली असता एका ड्रायव्हरचे लायसन्स हे डुप्लिकेट आढळून आले. तर एका अंबुलन्सचे कागदपत्रे ही खोटी आढळून आल्याने त्यांच्यावर मिरारोड पोलीस ठाण्यात गुन्हा दाखल करण्यात आला त्यात ड्रायव्हर व अविनाश चोम्लार व त्यांचा मुलगा आणि त्यांची कुटुंब यात सहभागी आहे पुढील तपास मिरारोड पोलीस करत आहेत.
