रिपब्लिकन सेनेच्या मिरा-भाईंदर वाहतूक सेनेच्या वतीने छत्रपती शिवाजी महाराज यांची जयंती उत्साहात साजरी
मिरा-भाईंदर शहर शाखे अंतर्गत रिपब्लिकन वाहतूक सेना रिक्षा विभाग च्या वतीने काशिमिरा नाका येथे रयतेचे राजे, जगत वंदनीय छत्रपती शिवाजी महाराज यांची जयंती 19 फेब्रुवारी 2021 शुक्रवार सकाळी मोठ्या उत्साहात साजरी करण्यात आली. प्रथमतः छत्रपती शिवाजी महाराज यांच्या प्रतिमेला पुष्पहार अर्पण करण्यात आला अगरबत्ती मेणबत्ती प्रजवलीत करून वंदन करण्यात आले . छत्रपती शिवाजी महाराज की जय च्या घोषणांनी स्फुर्तीदाय वातावरण निर्माण झालेले पाहायला मिळाले. तर फटाक्यांची आतिषबाजी करत पेढे वाटून आनंद साजरा करण्यात आला. उपस्थित मान्यवरांनी आपले मनोगत व्यक्त केले. या मंगलमय प्रसंगी रिपब्लिकन सेनेचे मिरा-भाईंदर शहर जिल्हा प्रमुख ऍड. रोहित आसले, उपाध्यक्ष उत्तमराव नाईक, उपाध्यक्ष छोटूभाई शाव , रमेश माटे, सचिव हरेंद्र बोदडे, सहसचिव विजय ढवळे, संघटक अनिल आचार्य,भाईंदर युवा अध्यक्ष रामजतन यादव शिवमावळा साप्ताहिक चे संपादक नामदेव काशिद, समाजसेवक दिलीप बाबर, सह घोडबंदर शाखा अध्यक्ष विलास वाव्हळे , आणि शाखेचे पदाधिकारी त्याच बरोबर काशिमीरा नाका व घोडबंदर नाका रिक्षा विभागाचे पदाधिकारी उपस्थित होते.
